13 oC 
Güneşli
فەرماندەیی باشووری ئەمریکا ڕایگەیاندووە، سوپای ئەمریکا ٣ بەلەمی لەناوبردووە کە گوایە مادەی هۆشبەریان لە ئاوە نێودەوڵەتییەکان لە ڕۆژهەڵاتی زەریای هێمن هەڵگرتووە و هەشت کەسی لەناو بەلەمەکەدا گیانیان لەدەستداوە.
هەواڵگری ئەمریکا ئیدعای کردووە کە ٣ کەشتی کە لەلایەن گروپەکانەوە بەڕێوەدەبرێن کە وەک "رێکخراوە تیرۆریستییەکان" دەستنیشانیان کردووە "بەشدارن لە بازرگانیکردن بە ماددە هۆشبەرەکانەوە" و بەدرێژایی ڕێگا ناسراوەکانی بازرگانیکردن بە ماددە هۆشبەرەکان لە ڕۆژهەڵاتی زەریای هێمن دەڕۆن، بەڵام هیچ زانیارییەکیان پێشکەش نەکردووە بۆ پشتڕاستکردنەوەی ئەم ئیدیعایە.
لە ڕاگەیەندراوەکەدا ئاماژە بەوە کراوە کە هێرشەکان لەسەر فەرمانی پیت هێگسێت وەزیری بەرگری ئەمریکا ئەنجام دراون و "٨ تیرۆریستی ماددە هۆشبەرفڕۆش" کوژراون.
پێنتاگۆن لە سەرەتای مانگی ئەیلولەوە تا ئێستا زیاتر لە ٢٥ کەشتی کە گومانی هەڵگرتنی مادەی هۆشبەر لە کەناراوەکانی کاریبی و زەریای هێمن لە ڕۆژهەڵاتی زەریای هێمن نقوم کردووە و لانیکەم ٩٥ کەسی ناو کەشتییەکە گیانیان لەدەستداوە.
لە چەند هەفتەی ڕابردوودا، دۆنالد ترامپ، سەرۆکی ویلایەتە یەکگرتووەکانی ئەمریکا، چەندین جار ڕایگەیاندبوو، سوپای ئەمریکا "زۆر بە زوویی" هێرشی زەمینی دژی بازرگانانی ماددەی هۆشبەر لە کاریبی دەستپێدەکات، ئەمەش گرژییەکانی نێوان ئەمریکا و ڤەنزوێلا زیاتر پەرەپێدەدەن.
بەپێی ڕاپرسییەکی ئاژانسی ڕۆیتەرز/ئیپسۆس کە هەفتەی ڕابردوو بڵاوکرایەوە، نزیکەی ٤٨ لە سەدی گەورەساڵانی ئەمریکی دەڵێن دژی هێرشە سەربازییەکانی ئەمریکان کە بەلەمەکانی هەڵگری ماددە هۆشبەرەکان لە کەنارەکانی کاریبی لە نزیک ڤەنزوێلا دەکەنە ئامانج بەبێ مۆڵەتی دادگا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
خالید مەشعەل، سەرۆکی مەکتەبی سیاسیی بزووتنەوەی حەماس لە دەرەوە، بە دووپاتکردنەوە لەسەر ڕەتکردنەوەی داگیرکاری و هەرچەشنە سەرپەرشتییەک، داوای لە ڕۆژئاوا کرد پێداچوونەوە بە هەڵوێستەکانی خۆیدا بکات و پشتیوانی لە داواکاریی فەلەستینییەکان بۆ ئازادی و کۆتاییهێنان بە داگیرکاری بکات.
هەڵکوتانە سەر مزگەوتی ئەقسا لەلایەن دانیشتوانی سەهیۆنی بە بیانووی خەنوکە بۆ سێهەم ڕۆژ بەردەوام بوو.
لە ئەنجامی نوقمبوونی بەڵەمێکی کۆچبەران لە نزیکەی دوورگەی گریتی وڵاتی یۆنان ١٤ کەس گیانیان لەدەستدا.
١٧ی١٢ وەک ڕۆژی ئاڵای کوردستان دەست نیشان کراوە و لە هەرێمی کوردستان و لە دامودەزگا فەرمییەکان ساڵانە یادی دەکرێتەوە و بۆنە و ڕێوڕەسمی تایبەت بەو بۆنەوە بەڕێوە دەچێت.
